Aglow International

Aglow á Íslandi og JesúKonur sameina krafta sína og halda sameiginlega kvenna og stelpuráðstefnu dagana 24. - 25. september. Yfirskrift ráðstefnunnar er "Saman erum við sterkari" og við trúum því að saman getum við séð stórkostlega áætlun Guðs fyrir konur og stelpur á landinu okkar. Ráðstefnan fer fram í Hvítasunnukirkjunni Fíladelfíu, Hátúni 2 í Reykjavík.

Aðgangur er ókeypis og ekki þarf að skrá sig fyrirfram. Bara koma og njóta.

Gestur helgarinnar verður Beryl McNamee, en hún er bænaleiðtogi frá Brussel


Beryl McNamee fæddist á norður Írlandi en býr nú í Brussel. Hún hefur alltaf þráð að hvetja og greiða veg kvenna. Hún byrjaði sem deildarforseti kvennadeildar í the Bible Institue í Portugal og varð síðan ritstjóri Concept Femme en það er tímarit sem gefið er út á frönsku fyrir konur og fjölskyldur.

Árið 1997 stofnaði Beryl alheimsnet fyrirbiðjenda í gegnum internetið, þjónustu sem leitast við að tengja konur í fyrirbæn fyrir þjóðum heims. Þetta þróaðist í að tengja konur frá Evrópu og víðar í virkt tengslanet með áherslu á bæn fyrir andlegri og pólitískri forystu frá einu landi til annars. Tengslanetið hefur breiðst hratt út og er fjöldi kristinna einstaklinga í Evrópu virkur í að biðja fyrir landi sínu og þjóð.

Beryl trúir því að við höfum fengið umboð til að biðja fyrir sveitastjórnum og ríkisstjórnum og að bjóða fram aðstoð okkar til þeirra sem gegna áhrifastöðum á hvaða hátt sem er.

Hún opnaði heimasíðuna europeandbeyond.org. sem er hluti af bænanetinu sem hún stendur fyrir.

Beryl hefur ásamt eiginmanni sínum stutt dyggilega við kristilegt starf á Balkanskaga og hafa þau unnið mikið ómetanlegt starf þar í gegnum árin.

Beryl kennir sálfræði og er þroski barna sérsvið hennar. Hún er gift og á tvær dætur og einn ömmustrák. 

Aðgangur er ókeypis og ekki þarf að skrá sig fyrirfram.
Bara koma og njóta.

Allar konur og stúlkur hjartanlega velkomnar.

  og



_______________________________________________________________________



Vindáshlíð - Leiðtogaráðstefna

 

Helgina 1 - 3. maí sl. héldum við ráðstefnu í Vindáshlíð í  fögru umhverfi fjalla , við upptök Laxár í Kjós. Yfirskrift mótsins var fengin  í Op. 3;22 - Hver sem eyru hefur, hann heyri, hvað andinn segir söfnuðinum.  Hnitmiðuð kennsla, kröftug lofgjörð og tilbeiðsla,  eining og kærleiksflæði snerti við öllum mótsgestum. Við erum sammála um að Guð er að tala mjög sterkt  Orð inní líf okkar sem mun hafa varanleg áhrif á göngu okkar og þjónustu í Guðsríki.

Dekur í mat og þjónustu.

 Öll aðstaða í Vindáshlíð er til fyrirmyndar og fór vel um okkur. Gestgjafar okkar reiddu fram hverja veislumáltíðina af fætur annari, Við vorum vaktar með nýbökuðum bollum og hollustu á morgnana, framandi súpur og nýbakað brauð í hádeginu . Gott kaffibrauð um miðjan dag. Mátti heyra fagnaðarraddir  og hlátur um allan salinn þegar lambasteikin var borin fram á laugardagskvöldið.  Vorum við sammála um að dásamlegt væri ef við gætum tekið með okkur klónað eintak af kokkunum heim.

Kennslan var hnitmiðuð og uppbyggileg

Kennslan á mótinu var vönduð og mikil vinna og bæn að baki hverrar kennslu. Edda Swan stjórnaði mótinu og  lagði ríka áherslu á að hver og ein okkar er einstök í augum Guðs, kona sem er útvalin og smurð til þjónustu í ríki hans. Edda kenndi  um;  Hver er ég í Kristi ? Þekktu hlutverk þitt og þjónustu.  Agnes kenndi um; Að vinna sigur og eflast í mótlæti, Sólveig kenndi um;  Bænaskjöldinn, að eiga virkt bænalíf. Þóranna kenndi út frá efninu Jante -lögmálið sem fjallar um að sigrast á vanmáttarkennd.

Lofgjörðin - Aglowbandið

Lofgjörð, Aglowband var stofnað á staðnum, Helena (Garðabæ) spilaði á gítar, Benný og Dögg (Akureyri)hristi tamborínur og  Vera Lind  frá (Vestmannaeyjum) sungu af miklum krafti ásamt öllum konunum í salnum. Bongótrommur, Tamborína og allskonar hristur voru barðar af mikilli innlifun og dansað um salinn, mátti sjá ýmisskonar tilþrif í dansinum sem einkenndist af mikilli gleði. / hkl



Öll veröldin fagni fyrir Drottni, þjónið Drottni með gleði, komið fyrir auglít hans með fagnaðarsöng
sálmur 100: 1-